Q: Er dýrara að reka rafbíl heldur en bensín/díselbíl?

Rafmagnsverð er mun ódýrara en bensínverð, auk þess nýta rafbílar orkugjafann sinn mörgum sinnum betur en bensín og díselbílar og þá eru rafbílar einnig með lægri rekstrarkostnað. Olíuskipti eru óþarfi í rafmagnsbílum og bremsur þeirra gæddar ákveðnum eiginleikum sem draga úr notkun bremsuklossa og þar af leiðandi minnkar endurnýjun á þeim. Síðast en ekki síst má nefna að rafmótorinn inniheldur mun færri hreyfiparta heldur en bensínvélin og því er tíðni á bilun og viðhaldi mun minni.

Question 1

Er dýrara að reka rafbíl heldur en bensín/díselbíl?

Accepted Answer

Raf­magns­verð er mun ódýr­ara en bens­ín­verð, auk þess nýta rafbílar orkugjafann sinn mörgum sinnum betur en bensín og díselbílar og þá eru rafbílar einnig með lægri rekstrarkostnað. Olíuskipti eru óþarfi í rafmagnsbílum og bremsur þeirra gæddar ákveðnum eiginleikum sem draga úr notkun bremsuklossa og þar af leiðandi minnkar endurnýjun á þeim. Síðast en ekki síst má nefna að rafmótorinn inniheldur mun færri hreyfiparta heldur en bensínvélin og því er tíðni á bilun og viðhaldi mun minni.

Question 2

Verður dýrara að keyra rafbíl þegar skattaívilnanir verða teknir af?

Accepted Answer

Rétt er það að rafmagns- og bensínverð eru á svipuðu verði þegar allir skattar eru strípaðir af bensínverðinu. Ef núverandi skattálagning á bensíni verður sú sama og á rafmagni yrði það samt sem áður mun ódýrara þar sem rafbíllinn eru mun orkunýtnari. Einnig eru ekki grænir skattar á  rafbílum.

Question 3

Eru nægilega margar hleðslustöðvar hér á landi til að geta keyrt áhyggjulaus um á rafbíl?

Accepted Answer

Í dag má finna hleðslustöðvar út um allt land og fer þeim mjög ört vaxandi. ON hverfastöðvarnar einar og sér eru um 156 talsins og fjöldi hraðhleðslustöðva um allt land ná yfir yfir 90 talsins. Það ætti því ekki að vera mikið vandamál fyrir fólk að hlaða bílinn sinn. Við mælum með að hlaða niður appinu frá ON og Ísorku til að sjá nær allar hleðslustöðvar á Íslandi.

Question 4

Eru allir rafbílar dýrir?

Accepted Answer

Ef miðað er við bensínbíla má segja að rafbílar hafa verið að fást á svipuðu verði og lúxusbílar.  Undanfarin ár hafa bílaframleiðendur aukið vöruúrval sitt á rafbílum til muna, því má finna rafbíla á mjög breiðu verðbili í dag.

Question 5

Menga rafbílar meira heldur eldsneytisbílar vegna aukinnar losunar gróðurhúsalofttegunda við framleiðslu þeirra?

Accepted Answer

Rafbílar á Íslandi eru fljótir að vinna upp þá auknu losun  gróðurhúsalofttegunda sem þeir valda miðað við bensín/díselbíla. Það tekur þá einungs 1,5 ár til að jafna það út og á öllu notkunartímabili þeirra menga þeir rúmlega fjórum sinnum minna heldur en bensín/díselbílar.

Question 6

Eru rafbílar jafn öruggir og eldsneytisbílar?

Accepted Answer

Já, vegna þess að rafbílar þurfa að fara í gegnum sama stranga hönnunar- og framleiðsluferli og eldsneytisbílar ásamt því að vera árekstrar- og öryggisprófaðir á sama máta. Allir bílar sem seldir eru í Evrópu eru prófaðir af NCAP en hægt er að fara á síðu þeirra til að bera saman mismunandi rafbíla.

Question 7

Má hlaða rafbíl í rigningu?

Accepted Answer

Já. Hleðslusnúran er fulleinangruð og hleðslan hefst ekki fyrr en bæði hleðslutengin eru 100% tengd og örugg. Einnig eru útsláttarrofar á bæði rafhlöðunni og hleðslusnúrunni ef snúran skyldi losna frá.

Question 8

Má rafbíll vera kyrrstæður í langan tíma?

Accepted Answer

Já, svo lengi sem hann er ekki geymdur í 0-4% hleðslu. Ástæðan er sú að batteríið getur skemmst ef það er engin hleðsla inn á því, rafbílar eyða ávallt einhverri hleðslu þótt hann sé ekki í notkun. Mælt er með að hlaða hann upp í 60-80% áður en skilið er við bílinn.